Mkenya na Mtanzania watwaa ushindi mbio fupi Instabul

Wakimbiaji Ruth Chepng'etich wa Kenya na Ismail Juma wa Tanzania ndio washindi wa mbio za Istanbul Half Marathon mwaka 2017. Kwa upande wa akina dada, Chepng'etich ametumia saa 1:06:19, nafasi ya pili imechukuliwa na Eunice Kirwa kutoka Bahrain aliyetumia saa 1:06:46 huku nafasi ya tatu ikichukuliwa na Muethiopia Worknesh Degefa alikamata nafasi ya tatu kwa kutumia saa 1:08:55.Kwa upande wa wanaume, Ismail Juma wa Tanzania, ametawazwa kuwa bingwa baada ya kutumia saa 1:00:09 ambayo ni rekodi mpya. Nafasi ya pili ilichukuliwa na Terefa Debela kutoka Ethiopia kwa kutumia saa 1:00:22, naye Edward Rotich alishika nafasi ya tatu baada ya kutumia saa 1:00:37.