JKT RUVU KUVAANA NA AZAM FC JUMAMOSI HII KATIKA VIWANJA VYA MKWKWANI JIJINI TANGA

NA; CLEMENT SHARI

Klabu ya soka ya Jkt Ruvu imesema kwamba maandalizi yote kuelekea pambano lao dhidi ya Azam fc litakalochezwa katika uwanja wa Mkwakwani jijini Tanga siku ya Jumamosi yanaendelea vizuri.

 

Msemaji wa Jkt Ruvu Afisa mteule daraja la pili Constantine Masanja ameiambia M-Media Tz maandalizi yote yapo vizuri na vijana wapo tayari mkoani Tanga na wanachosubiria ni Jumamosi ifike wachukue pointi zote tatu mbele ya Azam fc.

Masanja amewataka wakazi wa Tanga kujitokeza kwa wingi katika uwanja wa Mkwakwani siku ya jumamosi na kuipa nguvu Jkt Ruvu ambayo imeamua kuutumia uwanja wa Mkwakwani kama uwanja wake wa nyumbani kwa mechi zote zilizosalia za ligi kuu ya Vodacom.

 

Jkt Ruvu ipo katika hatihati ya kushuka daraja kwani mpaka hivi sasa ndio inayoshikilia mkia katika msimamo wa ligi kuu ya Vodacom na iwapo itafungwa na Azam itakuwa inaashiria inaendelea kujichimbia kaburi kuelekea ligi soka daraja la kwanza msimu ujao